Қымбатты әріптестер!
Сіздерді еліміздің басты мерекелерінің бірі – Қазақстан Республикасының Тәуелсіздік күнімен шын жүректен құттықтаймыз!
2021 жыл – әрбір қазақстандықтың өміріндегі ерекше кезеңді бейнелейтін жыл. Біз Қазақстан Республикасы Тәуелсіздігінің 30 жылдығын салтанатты тойлаудың куәсі болып отырмыз.
Тәуелсіздік күні – елге деген мақтаныш, оның өсіп-өркендеуі үшін еңбек етуге деген ұмтылыс, өз жеріне, отбасына, туған-туыстарына деген сүйіспеншілік – ортақ құндылықтарымызды түсінетін және қамқорлық жасайтын әрбір адамның мерекесі.
Отанымыз егемендік алған алғашқы күннен бастап халқымыздың даналығы мен ерен еңбегі бізді бүгінгі жеңістерімізге жетеледі.
Ендеше, ең басты құндылығымыз – тарихы мен дәстүрін қастерлей отырып, туған жердің даңқын өз еңбегімен асқақтатып жүрген тұлғалар.
Құрметті әріптестер, игі істеріңізге табыс, зор денсаулық және бақыт тілейміз! Республикамызда тыныштық пен береке, әр шаңырақта ынтымақ пен мереке болсын!
«Dosjan temir joly» АҚ басшылығы
