Спорттық шараны «ҚТЖ» ҰК» АҚ әлеуметтік саясат басқармасы компанияның 25 жылдығы мен кәсіподақ ұйымының 30 жылдығын мерекелеу аясында ұйымдастырды.
3-7 шілде аралығында Ақмола облысындағы «Жақсы-2» спорт базасында еліміздің түкпір-түкпірінен келген теміржолшылардан құралған 16 команда бас қосты.
«ҚТЖ» ҰК» АҚ республикалық жарыстар бағдарламасына үстел теннисі, шахмат, жеңіл атлетикалық кросс, эстафета, граната лақтыру және тұрып ұзындыққа секіру бойынша командалық және жекелей жарыстар енгізілді.
«Dosjan temir joly» АҚ-нан Жандос Қабдуллин мен Бағжан Төлегенова шахмат жарысына қатысты. Республикалық жазғы ойындардың қорытындысы бойынша Жандос Қабдуллин 2-орынға ие болды.
Құттықтаймыз және жаңа белестерді бағындыруларыңызға тілектеспіз!
