«Dosjan temir joly» АҚ, «DTJ Service» ЖШС және «Dosjan temir joly» акционерлік қоғамы қызметкерлерінің жергілікті кәсіптік одағы» қоғамдық бірлестігі игі дәстүр бойынша жыл сайын «Мектепке жол» қайырымдылық акциясын өткізеді.
Бұл бастаманың мақсаты – жаңа оқу жылы қарсаңында компания қызметкерлері мен олардың отбасыларына қолдау көрсету. Биыл жергілікті кәсіподақтың қаражаты есебінен қызметкерлердің бірінші сыныпқа баратын балалары мен көпбалалы отбасылардың балалары толық жинақталған мектеп керек-жарақтары салынған сөмкелермен қамтамасыз етілді.
Мұндай акциялар – DTJ корпоративтік мәдениетінің маңызды бөлігі. Олар әріптестерімізге деген қамқорлығымызды көрсетіп, ұжымдық рухты нығайтады және мейірімді, қолдаушы әрі бірлікті қоғам қалыптастыруға ықпал етеді.
«Dosjan temir joly» акционерлік қоғамы қызметкерлерінің жергілікті кәсіптік одағы» қоғамдық бірлестігі Әкімшілік-шаруашылық қызмет және сатып алулар департаментінің директоры Мелс Нурлан Мелісұлына және оның командасына акцияны өткізуге белсенді қатысып, елеулі үлес қосқаны үшін шынайы алғыс білдіреді.
