«КТЖ» ҰК» АҚ басшысы көлік-логистикалық саладағы ынтымақтастықты дамыту мәселелері бойынша серіктестерімен келіссөздер өткізді

«КТЖ» ҰК» АҚ басшысы Қанат Алпысбаев оныншы Астана экономикалық форумына және төртінші «New Silk Way» көлік-логистикалық бизнес-форумына қатысу үшін Қазақстанға келген темір жол әкімшіліктері мен көлік-логистикалық компаниялардың басшыларымен екі жақты кездесулер өткізді. Cosco Shipping Cо. Ltd. бас директорының орынбасары Е Вэйлунмен және «ГК Порт Ляньюньган» ЖШҚ президенті Чжу Сянянмен кездесуде «Қазақстан және Қытай – Еуразияның транзиттік көпірі» телекөпірінің қорытындылары талқыланды, «Ляньюньган қ. Қытай-Қазақстан халықаралық логистикалық компаниясы» ЖШҚ және «KTZE - Khorgos Gateway» ЖШС жұмысын бірлесіп дамыту жөніндегі шаралар қарастырылды. Қ.Алпысбаев «Хоргос-Шығыс қақпасы» ЕЭА COSCO Shipping компаниясы ұсынатын ғаламдық логистикалық сервистер сәулетінің маңызды бөлігі ретіндегі рөлін атап өтті. Кездесуде сондай-ақ Қазақстан тарапының

Ляньюньган порты және ЕЭА Құрғақ порты арқылы жүк ағынын арттыру жөніндегі ортақ жұмыс жоспарын әзірлеу бойынша ұсынысы талқыланды. Әзірбайжан мен Грузияның темір жол әкімшіліктерінің басшылары Д. Гурбанов пен М. Бахтадзенің қатысуымен Чэнду қ. (ҚХР) халық үкіметінің логистика және ауысулар басқармасының басшысы Чэнь Чжунвэймен келіссөздер барысында Еуропа, Орталық Азия, Иран және Түркия бағытында контейнерлік тасымалдарды бірлесіп дамыту мәселелері талқыланды. Бүгінгі күні Чэндудан Еуропаға (Лодзь, Нюрнберг, Тилбург) тұрақты пойыздар жөнелтіледі. 2017 жылдың 4 айында Чэнду-Еуропа-Чэнду бағдары бойынша 241 пойыз, ал өткен жылдың ұқсас кезеңінде болса – не бәрі 45 пойыз жүрді. «КТЖ» ҰК» АҚ басшысы сондай-ақ Иранның темір жол әкімшілігінің вице-президенті Э. Мохаммадимен, «COALCO Development» ЖШС Директорлар кеңесінің төрағасы В. Драгановпен дәне IRISL компаниясының президенті М. Саедимен кездесті.