«Dosjan temir joly» АҚ Шығыс Қазақстан филиалының басшылығы мен желілік жетекшілеріне арналған эмоционалды интеллект тақырыбында мастер-класс өткізілді.
Кездесу барысында қатысушылар эмоциялардың жұмыс атмосферасына, ұжым ішіндегі өзара әрекетке және командадағы коммуникация тиімділігіне әсерін талқылады. Сонымен қатар өзін-өзі бақылау, конструктивті диалог құру және жұмыс барысында сабыр сақтай білу дағдыларына ерекше назар аударылды.
Мастер-классты «Dosjan temir joly» АҚ HR және іс жүргізу департаментінің директоры Мейрамбаева Құралай Сайлаубайқызы өткізді.
Қосымша ретінде қатысушыларға эмоционалды интеллект тақырыбындағы практикалық материалдар мен тестілеуді қамтитын өзіндік оқуға арналған модуль жолданды.
Осындай кездесулер басқарушылық дағдыларды дамытуға, командалық өзара әрекетті нығайтуға және ұжымда жағымды корпоративтік мәдениетті қалыптастыруға ықпал етеді.