2023 жылдан бастап «Dosjan temir joly» АҚ Шығыс Қазақстан облысы Улан ауданы бойынша IQanat қорының ресми қамқоры болып табылады. Әлеуметтік жауапты компания ретінде Қоғам өңірлердің тұрақты дамуына, жастардың әлеуетін ашуға және азаматтық қоғамды қалыптастыруға ықпал ететін білім беру жобаларын мақсатты түрде қолдайды.
Биыл компанияның қолдауы ерекше қуанышты нәтиже әкелді: Улан ауданының бір мектебінің оқушысы IQanat олимпиадасының қорытындысы бойынша Қазақстанның үздік 125 оқушысының қатарына еніп, еліміздің жетекші білім беру орындарының бірі — IQanat High School Burabay мектебіне оқуға грант ұтып алды.
IQanat-2025 олимпиадасының финалы Қазақстанның түкпір-түкпірінен келген 1000-ға жуық сегізінші сынып оқушыларын біріктірді. Қыркүйек айынан басталған бұл жолға 50 000 оқушы шыққан болатын, олардың небәрі 2%-ы финалға дейін жетті. Финал Алматы қаласындағы әйгілі Медеуде өтті және ол толқу мен үмітке, лайықты жеңістерге толы жарқын оқиға болды.
«Dosjan temir joly» АҚ сынды қамқоршы меценаттардың қолдауының арқасында биыл білім гранттарының саны артып, 250 оқушы IQanat мектебіне немесе IQ Advance бағдарламасына қабылданатын болады. Тағы жүздеген бала олимпиададан кейінгі бағдарламалар аясында оқуын жалғастырып, оқу модульдеріне, тәлімгерлікке және халықаралық емтихандарға дайындыққа қол жеткізеді.
«Dosjan temir joly» АҚ осындай маңызды әрі игілікті бастаманың бір бөлігі
болғанын мақтан тұтады. Біз білімге салынған инвестиция — бұл Қазақстанның
болашағына салынған инвестиция деп сенеміз және аймақтардағы балалардың
зияткерлік әрі тұлғалық дамуын қолдауды жалғастыра береміз.
