Астана, 2025 жылғы 15 қазан

«Dosjan temir joly» АҚ және жапондық RIKEN Kogyo Inc. компаниясы, сондай-ақ Sekisui Jushi Corporation және «Tokyo Rockbox Almaty» ЖШС қатысуымен теміржол инфрақұрылымын қар құрсауы мен қатты желден қорғау бойынша шешімдерді әзірлеу саласында өзара түсіністік туралы Меморандумға қол қойды. Серіктестік аясында 2025 жылғы 13 қазанда Шар – Новоөскемен учаскесінің 27-шақырымында әр 10 минут сайын желдің алты параметрін тіркейтін метеостанция орнатылды. Алынған деректер ұзындығы 100 метрлік тәжірибелік қардан қорғайтын қоршауларды жобалаудың негізі болмақ. Меморандумға қол қою халықаралық ынтымақтастықтың жаңа кезеңін ашады: ▪ Қазақстан мен Жапония арасындағы инженерлік тәжірибе алмасу; ▪ нақты климаттық деректер негізінде аэродинамикалық құбырда сынақтар жүргізу; ▪ 2026 жылдың наурызына дейін техникалық шешім жобасын дайындау. Жапония делегациясының құрамына RIKEN Kogyo Inc. президенті Юкихиро Шибао, Sekisui Jushi Corporation директоры Нагааки Миеси және Tokyo Rockbox Almaty өкілдері кірді. Хоккайдоның қатал климатында сыналған технологиялар енді Шығыс Қазақстан жағдайында сынақтан өтуде.