«Dosjan temir joly» АҚ және «DTJ Service» ЖШС Павлодар облысындағы Электроника және коммуникациялар жоғары колледжінің студенттерімен кездесу өткізді

Ынтымақтастық туралы меморандумды іске асыру аясында «Dosjan temir joly» АҚ мен «DTJ Service» ЖШС өкілдері Павлодар облысы білім басқармасының «Электроника және коммуникациялар жоғары колледжі» ШЖҚ КМК бітіруші курс студенттерімен кәсіптік бағдар беру кездесуін өткізді.

Іс-шараға теміржол саласы бойынша білім алып жатқан ОПБ-413, В-412 және А-412 бітіруші топтарының студенттері қатысты.

Кездесу барысында болашақ мамандарға DTJ компаниялар тобының қызметі, теміржол саласының негізгі бағыттары, өндірістік тәжірибеден өту, тағылымдамадан өту және кейіннен жұмысқа орналасу мүмкіндіктері туралы ақпарат берілді.

Сапар аясында компания өкілдері колледждің материалдық-техникалық базасымен танысып, оқу кабинеттері мен зертханаларын аралады, сондай-ақ түлектердің қорытынды аттестаттау үдерісіне қатысты.

Кездесу барысында тараптар студенттердің өндірістік тәжірибесін ұйымдастыру, түлектерді жұмысқа орналастыру, сондай-ақ колледж базасында Қоғам қызметкерлерін оқыту және олардың біліктілігін арттыру мәселелерін талқылады.

Білім беру ұйымдарымен ынтымақтастық «Dosjan temir joly» АҚ үшін білікті кадрлар даярлау мен теміржол саласының кадрлық әлеуетін нығайтудың маңызды бағыттарының бірі болып табылады.