2022 жылғы 31 тамыздағы №139 бұйрығына сәйкес 2022 жылдың 26-қыркүйегінен 30-қыркүйегі аралығында «Dosjan temir joly» АҚ «Шығыс Қазақстан филиалында» күзгі комиссиялық тексеру жүргізіледі. Күзгі комиссиялық тексерудің мақсаты – барлық қызметтер мен инфрақұрылымдардың қыс мезгіліндегі жұмысқа дайындығын тексеру.
Күзгі комиссиялық тексеру барысында Қоғамның құрылымдық бөлімшелері объектілерінде келесі тармақтар тексеріледі:
- инфрақұрылымды ұстаудың ағымдағы жағдайы;
- жылжымалы құрам;
- өндірістік-техникалық ғимараттар мен құрылыстар (оның ішінде тұрғын үй, өндірістік, санитарлық, станциялық үй-жайлар мен тазалаушылар кабиналары, жер асты қабатының, теміржол жолдарының, жасанды құрылыстардың, темір жол өткелдерінің, қардан қорғау құралдарының жай-күйі);
- құрылғылар (оның ішінде жолаушылар платформалары, перрондар);
- машиналар мен механизмдер;
- сумен және жылумен жабдықтау объектілері;
- өрт дабылы және олардың мазмұнындағы бұзушылықтарды анықтау.