«Қазақстан темір жолы» GE цифрлық технологияларын пайдаланатын болады

Ағымдағы жылдың 21 маусымында «Қазақстан темір жолы» ҰК» АҚ және GE Transportation  Цифрлық технологиялар саласындағы өзара түсіністік туралы меморандумға қол қойды. Құжатқа ЭКСПО-2017 алаңында өткен «Moving Forward, Fueling the Future» конференциясының шеңберінде «ҚТЖ» ҰК» АҚ вице-президенті Санжар Елубаев және GE Transportation президенті, басты атқарушы директоры Джейми Миллер қол қойды. Меморандум отын шығынын төмендету үшін GE цифрлық технологияларын қолдануға, қуаттың таралуын оңтайландыруға, техниканы пайдалану қауіпсіздігін арттыруды қамтамасыз етуге, жабдықтың тиімділігін жоғарылатуға бағытталған. «Қазақстан темір жолы» ҰК» АҚ және GE Transportation  темір жол саласында 20 жыл бойы табысты қызметтесуде. Бірлескен жұмыстың міндеттерінің бірі – ҚТЖ цифрлық трансформациялау болып табылады. Меморандум шеңберінде өндірістік активтерді бақылаудың және құрал-саймандарды басқарудың жоғары тиімділігін қамтамасыз ететін жеткізілімдер тізбегін басқару бойынша GE жүйесін енгізу мүмкіндігі қарастырылады. Одан басқа,  Precision Dispatch System нақты бақылау, Rail Connect TMS көлікті бақылау және басқа жүйелерді қолдану мүмкіндігі зерттеледі.